ТЕЪДОДИ МАКТАБҲО ДАР ПОЙТАХТ МЕАФЗОЯД

                 Душанбе, 13 июл.(АМИТ «Ховар», Марзия Саидова).-Дар арафаи соли хониши 2009-2010 дар пойтахт 4 мактаби таҳсилоти ҳамагонӣ сохта ба истифода дода мешавад, ки ду адади он аз ҷониби Вазорати маорифи ҷумҳурӣ бунёд мегарданд.                Назар ба иттилои сардори идораи маорифи шаҳри Душанбе Шамсулло Исломов ду мактабе, ки аз ҷониби мақомоти иҷроияи ҳокимияти давлатии шаҳри Душанбе дар ноҳияҳои Исмоили Сомонӣ ва Фирдавсӣ сохта мешаванд, барои 1154 ҷойи нишаст пешбинӣ шудааст.               Инчунин, дар 10 муасссисаи томактабии пойтахт корҳои таъмир оғоз гардида, дар ин самт ба маблағи 10 миллион сомонӣ корҳои таҷдид ба сомон расонида мешаванд.                Алҳол, дар пойтахт 112 мактаби таҳсилоти ҳамагонӣ ва 105 кӯдакистон фаъолият дорад, ки 83 адади кӯдакистонҳо аз буҷаи шаҳр маблағгузорӣ мегарданд.