ҶИНОЯТКОРИ ХАВФНОК БЕЗАРАР ГАРДОНДА ШУД
Душанбе, 11 август. (АМИТ «Ховар», Наталя Михайлова). — 10 август панҷ километр дуртар аз шаҳри Душанбе дар деҳаи Арбобхотун дар ҷараёни амалиёти махсус сокини ҷамоати Чоркӯҳи ноҳияи Исфара Шавкат Юсуфови 32 — сола ба ҳалокат расид. Ӯ дар ҷараёни дастгир карданаш ба кормандони милиса муқовимат нишон дод. Аз дафтари матбуоти ВКД ҷумҳурӣ ба АМИТ «Ховар» хабар доданд, ки баъди амалиёт аз шахси кушташуда як автомати Калашников, лавозимоти ҷангӣ, якчанд граната, адабиёти дорои мазмуну мундариҷаи динии ифротӣ, нақша ва харитаи минахобонӣ дар корхонаю муассисаҳо ёфт шуд. Аз ҷумлаи кормандони милиса касе осеб надидааст. Кормандони мақомоти дахлдори Тоҷикистон Шавкат Юсуфовро аз соли 2006 ҷустуҷӯ мекарданд. Ӯ ба содир намудани ҷиноятҳои вазнин аз рӯи моддаҳои гуногуни Кодекси ҷиноии Ҷумҳурии Тоҷикистон — ташкили дастаи мусаллаҳи ғайриқонунӣ, ғоратгарӣ, ташкили гурӯҳи муташаккили ҷинояткор ва ғайра гунаҳкор карда мешуд.
Имрӯз дар водиҳои Тоҷикистон борон меборад
Имрӯз дар якчанд кумитаю идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
