АЪЗОИ ГУРӮҲИ МУТАШАККИЛИ ҶИНОЯТКОР ДАСТГИР ШУДАНД
Хуҷанд, 17 август. (АМИТ «Ховар», Наталя Михайлова ). — Кормандони раёсати минтақавии назорати маводи нашъадори вилояти Суғд зимни гузаронидани амалиёти махсус дар гузаргоҳи роҳи оҳани «Аэропорт» — и шаҳри Чкаловск мошини сабукрави шаҳрванди 52 — сола К.А. — ро дастгир намуданд, ки шаҳрванди дигар А.К. низ дар он буд. Бояд гуфт, ки номи шахсони мазкур бо назардошти махфӣ нигоҳ доштани ҷараёни тафтиш зикр карда намешавад. Дар натиҷаи аз назар гузаронидани мошин 10 покети селофанӣ моддаи нашъадори банг ёфт шуд, ки вазни умумии он 9 килограмм мебошад. Дар ҷараёни тафтиш муқаррар карда шуд, ки соҳиби мошин узви гурӯҳи муташаккили ҷинояткор буда, моддаи нашъадорро бо кӯмаки шариконаш аз Афғонистон ба мамлакатҳои дигар интиқол медиҳад. Ду нафар шарики соҳиби мошин ҳамон рӯз дастгир шуд. Мақомоти дахлдор тафтиши дафтари аъмоли ҷинояткоронро давом медиҳанд. Тарҷумон — Қудратов А.








Имрӯз дар дар водиҳои Тоҷикистон борон меборад
Имрӯз дар якчанд вазорату идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»






