КӮМАК БА ОСЕБДИДАГОНИ САДАМАҲОИ НАҚЛИЁТӢ
Кӯлоб, 13 август. (АМИТ "Ховар", Сулаймон Холов).-Ширкатаи суғуртаи давлатӣ ба беш аз 70 нафар ронандагоне, ки воситаҳои нақлёташон дар садамаҳои нақлиётӣ осеб дидааст, ҳудуди 80 ҳазор сомонӣ кӯмак намуд. Саидумар Сафаров, сардори ширкати суғуртаи давлатӣ дар минтақаи Кӯлоб зимни як нишасти матбуотӣ гуфт, кӯмаки суғуртавӣ ба ронандагон дар ҳолест, ки дар самти ҷалб намудани онҳо барои сӯғуртаи давлатӣ ба мушкил рӯ ба рӯ шудаанд. Дар ҳамин ҳол аксари ронандагони воситаҳои нақлиёт мегӯянд, онҳоро маҷбуран ҳангоми дуруст намудани ҳуҷҷат дар Бозрасии давлатии автомобилӣ аз қайди суғуртаи давлатӣ мегузаронанд, вале ҳангоми ягон фалокат масъулин аз пардохти суғурта бо ҳар баҳона сарпечӣ менамоянд. Масъулини ширкати суғуртаи давлатӣ мегӯянд, таи шаш моҳи соли ҷорӣ аз ҳама беш ба воҳидҳои кишоварзӣ, ки аз офатҳои табии зарари ҷиддӣ дида буданд, кӯмаки суғуртавӣ намудаанд. Ба қавли Сафаров кӯмаки суғуртавие, ки ба воҳидҳои кишоварзӣ пас аз зиён дидан расонидаанд, маблағи 50 ҳазор сомониро ташкил медиҳад. Ин дар ҳолест, ки ба гуфтаи ӯ солҳои ахир воҳидҳои кишоварзӣ маблағи суғуртаи ҳатмии давлатиро пардохт наменамоянд.
Имрӯз дар водиҳои Тоҷикистон борон меборад
Имрӯз дар якчанд кумитаю идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
