КӮМАКИ БОНКИ РУШДИ ОСИЁ БА ТОҶИКИСТОН
Душанбе, 7 август. (АМИТ «Ховар», Покиза Маҳмадбекова ). — Имрӯз дар Вазорати молияи ҷумҳурии Тоҷикистон маросими имзои Созишнома дар бораи ҷудо кардани маблағи иловагӣ барои тармими роҳи мошингарди Душанбе — сарҳади Қирғизистон баргузор гардид. Созишномаро вазири молияи Ҷумҳурии Тоҷикистон Сафаралӣ Наҷмиддинов ва намояндаи доимии Бонки рушди Осиё дар Тоҷикистон Микото Оҷиро имзо намуданд. Бояд гуфт, ки созишнома барои даври дуюми тармими роҳи мошингарди мазкур ба имзо расид. Мувофиқи он тармими қисмати роҳи мошингарди мазкур аз Обигарм то Нуробод, роҳи эҳтиётии давродавр дар километри 110 -112, беҳтар сохтани сифати қитъаи марказии байни Нуробод ва Нимич ва тармими қитъаи роҳи наздисарҳадии Қарамиш пешбинӣ карда мешавад. Умуман дар доираи созишномаи мазкур 127 километр роҳи асосӣ ва 7 километр роҳи иловагӣ тармим карда хоҳад шуд. Бонки рушди Осиё барои иҷрои корҳои даври дуюми тармими роҳи мазкур 20 миллион доллари ИМА ҷудо кардааст. Саҳми Ҳукумати Тоҷикистон дар ин бобат 5 миллион доллари ИМА мебошад. Тибқи нақша тармими роҳ бояд то 31 декабри соли 2011 анҷом ёбад. Тарҷумон — Қудратов А.
Имрӯз дар водиҳои Тоҷикистон ҳаво то 40 дараҷа гарм мешавад
Дар 130 муассисаи таълимии ноҳияи Рӯдакӣ беш аз 10 ҳазор наврасон ба истироҳат фаро гирифта шудаанд
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар Душанбе ҳамоиши сиёсӣ-фарҳангӣ таҳти унвони «Пешвои миллат — меъмори Ваҳдат» доир гардид
МЕГАФОН ТОҶИКИСТОН: Дар Санкт –Петербург Созишнома оид ба ҳамкории оператор бо таҳиягари пешбари Русия — Ivideon имзо гардид
Конфронси илмӣ-адабии «Душанбе — корзори ваҳдатофарӣ ва боргоҳи Ваҳдати миллӣ» баргузор шуд
Дар Вилояти Мухтори Кӯҳистони Бадахшон 9 иншооти саноатӣ ба истифода дода мешавад
Дар Бохтар вобаста ба пешгирии ғарқшавии ноболиғону ҷавонон ҳангоми оббозӣ вохӯрии иттилоотӣ доир шуд
Модарони ваҳдатсаро дар ноҳияҳои Исмоили Сомонӣ, Фирдавсӣ, Сино ва Шоҳмансури пойтахт бо сокинон вохӯрӣ мегузаронанд
АЗ БАРАКАТИ ВАҲДАТИ МИЛЛӢ. Дар ин муддат соҳаи саноат ва кӯҳкорӣ ба як бахши муҳими иқтисоди миллӣ табдил ёфт
«ХИЗМАТ БА ВАТАН ШАРАФ АСТ!». Дар ноҳияи Нуробод ҳамоиши хизматчиёни ҳарбӣ баргузор мешавад
