КӮМАКИ ШИРКАТИ МАЛАЙЗИЯ БА ТОҶИКИСТОН

                Душанбе, 17 август. (АМИТ «Ховар», Покиза Маҳмадбекова).- 14 август муовини аввали раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Абдуғаффор Раҳмонов бо Мудири иҷроияи ширкати саноати энергетикаи «Energy Industry Co»-и Малайзия И. Маҳдизода мулоқот кард. Зимни мулоқот масъалаи сохтмони системаи истеҳсолкунандаи газ бо истифодаи партовҳои хӯрока муҳокима шуданд.                Ширкати Малайзия ният дорад, ки дар Тоҷикистон дар давоми 2 сол нерӯгоҳи барқӣ обии 20 МВТ созад. И. Маҳдизода зикр кард, ки ширкат тайёр аст барои сохтмони нерӯгоҳҳои хурду миёна дар Тоҷикистон аз 5 то 20 миллион евро қарз диҳад.