КОНФРОНСИ БАЙНАЛХАЛҚӢ БАХШИДА БА ПРОБЛЕМАҲОИ КӮЛИ САРЕЗ

                    Душанбе, 16 август. (АМИТ «Ховар», Наргис Бояхмедова). — Аз 2 то 4 сентябри соли равон дар шаҳри Норак дар мавзӯи «Кӯли Сарез, вазъияти имрӯза, таъмини бехатарӣ ва истифодаи оқилонаи оби он» конфронси байналхалқӣ баргузор мегардад.          Ташкилкунандагони конфронс Ҳукумати Ҷумҳурии Тоҷикистон, ЮНЕСКО ва Муассисаи рушди СММ мебошанд.                     Ҳадафи конфронс дастгирии кӯшишҳои Ҳукумати Тоҷикистон барои пешгирии имконияти кандашавии банди оби кӯли Сарез ва дар асоси тадқиқоти илмӣ оқилона истифода бурдани захираҳои оби он мебошад.                     Кӯли Сарез дар ҳудуди Вилояти Мухтори Кӯҳистони Бадахшон ҷойгир буда, соли 1911 дар натиҷаи зилзилаи шадид ба вуҷуд омадааст. Дар натиҷаи зилзила қариб 2 километри мукааб хоку санг фурӯ рехта, маҷрои дарёи Мурғобро баст. Бо ҳамин сабаб деҳаҳои Усой ва Сарез зери об монданд. Алҳол баландии банди оби кӯли Сарез 567 метр, чуқурии оби он бештар аз 500 метр, масоҳати сатҳи оби кӯл қариб 80 километри мураббаъ ва ҳаҷми оби он қариб 17 километри мукаааб мебошад.                                                                                                    Тарҷумон — Қудратов А.