НИЗОМИЁНИ НАТО ДАР АФҒОНИСТОН БА ҚУВВА ВА МАБЛАҒ ЭҲТИЁҶ ДОРАНД
Кобул, 24 август. (АМИТ «Ховар» — РБК.ру). — Қумондонони қисмҳои ҳарбии ИМА ва иттифоқчиёни он дар Афғонистон зимни мулоқот бо намояндаи махсуси президенти ИМА дар Афғонистон Ричард Холбрук изҳор намуданд, ки қисмҳои ҳарбии хориҷӣ дар ин мамлакат ба қувва ва маблағи иловагӣ эҳтиёҷи калон доранд. Аз ҷумла, генерал — майори амрикоӣ Куртис Скапаротти таваҷҷӯҳи Холбрукро ба муташанниҷ гардидани вазъияти вилоятҳои шарқии Афғонистон ҷалб намуд. Вай зикр кард, ки вақтҳои охир нуфузи ҷунбиши «Толибон» дар ин минтақа торафт бештар мегардад. Қайд карда шуд, ки фаъолияти силоҳбадастони дастаи қумондон Ҷалолиддини Ҳаққонӣ дар қисмати шарқии Афғонистон торафт бештар авҷ мегирад. Қайд карда шуд, ки вақтҳои охир шумораи зархаридони миллати ӯзбек дар Афғонистон хеле зиёд гардидааст. Онҳо маъмурияти Амрикоро даъват карданд, ки амалиёти қувваҳои мусаллаҳи Покистонро дар мубориза ба муқобили «Толибон» дастгирӣ намояд. Айни ҳол вазъияти Афғонистон баъди интихоботи Президент ниҳоят ноором ва муташанниҷ мебошад. Дастаҳои «Толибон» дар арафаи интихобот ва баъди он дар мамлакат силсилаи таркишҳо ба амал оварданд. Аз ҷумла, 15 август силоҳбадастон ба қароргоҳи марказии НАТО дар Кобул ҳамла оварданд. То ҳол маълум нест, ки дар интихоботи Президент ғалаба насиби кӣ гардидааст. Бо вуҷуди ин Иттиҳоди Аврупо изҳор намуд, ки интихоботи президенти Афғонистон ғалабаи демократия дар мамлакат мебошад. Хабар дода мешавад, ки натиҷаҳои интихобот баъди ду ҳафта маълум хоҳанд гашт. Тарҷумон — Қудратов А.
Омодагӣ ба соли нави хониш дар ҷаласаи Кумита оид ба таҳсилоти ибтидоӣ ва миёнаи касбӣ баррасӣ шуд
Масъалаи ташкили ковишҳои бостоншиносӣ дар мавзеи «Дараи Алмосӣ» баррасӣ гардид
Имрӯз дар ноҳияҳои алоҳидаи кӯҳӣ борони кӯтоҳмуддат меборад
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
