ПРЕЗИДЕНТИ КОЛУМБИЯ БА БЕМОРИИ ЗУКОМИ ХУК ГИРИФТОР ШУД
Богота, 31 август. (АМИТ «Ховар» — Лента.ру). — Агентии иттилоотии Ассошиэйтед Пресс рӯзи якшанбе хабар дод, ки президенти Колумбия Алваро Урибе ба бемории зукоми хук гирифтор шуд. Вазъи саломатии А.Урибе рӯзи ҷумъа, вақте ки дар мулоқоти ғайринавбатии шӯрои Иттиҳоди миллатҳои Амрикои ҷанубӣ иштирок мекард, якбора бад шуд. Духтурон баъди ташхис муайян карданд, ки ӯ ба бемории А/Н1N1 гирифтор шудааст. Мақомоти дахлдори Колумбия ҳамаи иштирокчиёни мулоқотро огоҳ карданд, ки аз муоинаи тиббӣ гузаранд. Аз рӯи хабарҳои расида, айни ҳол аҳволи саломатии президент хуб аст. Мулоқоти сарони давлатҳои Амрикои ҷанубӣ баъди имзои созишномаи Ҳукумати Колумбия бо ИМА дар бораи аз тарафи Амрико истифода шудани пойгоҳҳои низомӣ дар қаламрави ин мамлакат даъват карда шуд. Ба ақидаи сарони давлатҳои минтақа, созишномаи мазкур вазъияти мамлакатҳоро тезу тунд гардонда метавонад. Ғайр аз ин миёнаҳои моҳи август президенти Коста — Рика Оскар Ариас низ ба ин бемории хавфнок гирифтор шуда буд. Ба қавли духтурон, саломатии ӯ баъди табобат хуб аст.
Имрӯз дар водиҳои Тоҷикистон борон меборад
Имрӯз дар якчанд кумитаю идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
