СОЛИ ХОНИШИ НАВ БО МАКТАБҲОИ НАВ

                 Душанбе, 26 август. (АМИТ «Ховар», Лаззат Диловарзод).- Дар ин рӯзҳо дар доираи бунёдкориҳо дар шаҳру деҳоти Панҷакент даҳҳо иншооти нав мавриди баҳрабардорӣ қарор гирифтанд.                  Бино ба иттилои роҳбари дастгоҳи раиси шаҳр, танҳо бо ёрии соҳибкорони маҳаллӣ ғайр аз иншооти нақшавии мақомоти иҷроияи ҳокимияти давлатии шаҳр аз ҷониби соҳибкорони маҳаллӣ 30 иншооти иловагӣ сохта шуд.                 Танҳо дар 2 — 3 соли охир аз ҳисоби буҷаи ҷумҳурӣ, вилоятӣ ва маҳаллӣ 23 млн. 550 ҳазор сомонӣ барои корҳои ободонӣ ҷудо карда шудааст.                  Дар соли хониши 2009 — 2010 дар деҳаи Ути Баланд барои 3229 хонанда мактаби замонавӣ мавриди истифода қарор мегирад. Дар деҳаи Ровиддин бошад, сохтмони мактаб барои 100 нафар хонанда ба охир расид.                Дар соли хониши нав, ҳамчунин, омӯзишгоҳи тиббӣ аз ҳисоби маблағҳои худи омӯзишгоҳ тармиму азнавсозӣ мешавад.