ТАҶЛИЛИ РӮЗИ МИЛЛИИ АФҒОНИСТОН ДАР ДУШАНБЕ
Душанбе, 20 август.(АМИТ «Ховар», Марзия Саидова).-Шоми 19 август дар Душанбе 90-умин солгарди истиқлолияти миллии Ҷумҳурии Исломии Афғонистон таҷлил гардид. Дар ҷамъомади тантанавӣ, ки бо ибтикори Сафорати Афғонистон дар Душанбе доир карда шуд, намояндагони расмии Ҳукумати Ҷумҳурии Тоҷикистон, корпусҳои дипломатии муқими Тоҷикистон ва аҳли илму фарҳанги ҷумҳурӣ даъват гардида буданд. Вазири корҳои хориҷии Ҷумҳурии Тоҷикистон Ҳамрохон Зарифӣ зимни табрикоти худ доир ба рушду таҳкими ҳамкориҳои мутақобилан судманди ду кишвари ҳамҷавор-Тоҷикистону Афғонистон сухан карда, ба сатҳи робитаҳои ҳасанаи ду кишвари дӯсту бародар баҳои баланд дод. — Бояд зикр кард, ки Афғонистон 19 августи соли 1919 баъди ҷангҳои тӯлонӣ истиқлолияти миллии худро аз бузургтарин императории ҷаҳон- Британияи Кабир ба даст овард. Дар роҳи ноил гардидан ба истиқлолияти миллӣ садҳо нафар фарзандони ин сарзамин қурбон гардиданд. 19 август ҳамасола дар Афғонистон ҳамчун Рӯзи миллӣ ҷашн гирифта мешавад.
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
МАСЛИҲАТИ МУТАХАССИС. Мураббои анҷир кори дил ва рагҳои хунгардро муътадил мегардонад
Дар ҳашарҳои экологӣ 9 км канори шоҳроҳи мошингарди Исфара-Хуҷанд аз партовҳо тоза карда шуд
Имрӯз дар Тоҷикистон сар задани селҳои пиряхӣ аз эҳтимол дур нест
