ТОЛИБҶОН СУЛТОНОВ БЕҲТАРИН БОЗИНГАР ДОНИСТА ШУД

                   Душанбе, 17 август. (АМИТ «Ховар», Ибодат Давлатова). — Чи тавре, ки аз Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон ба мо хабар дода буданд, дар шаҳри Қанди Ҷумҳурии Қирғизистон аз санаи 7 то 12 августи соли равон мусобиқаи 5- уми байналмилали оид ба футбол ба хотираи мураббии шоистаи Ҷумҳурии Қирғизистон Барис Низовцев байни наврасони соли таваллудашон 1994 баргузор гардид.                  Дар мусобиқаи номбурда аз ҷониби Ҷумҳурии Тоҷикистон дастаи фудболи мактаби ҷумҳуриявии маҳорати олӣ варзишӣ иштирок намуда, сазовори ҷойи дуюм гардид. Даста бо медали нуқраи Ҷ.Қирғизистон ва Ҷоми футболи Абдим Ато сарфароз гардонида шуд.                  Инчунин, дар он футболбози тоҷик Толибҷон Султонов беҳтарин бозингар дониста шуд, ки дар тарбияи ӯ ҳиссаи мураббиён Зайниддин Раҳматов ва Қосим Қурбонов қобили қайд аст.