ВАРЗИШГАРОНИ ТОҶИК ДАР МУСОБИҚАИ БЕРЛИН ИШТИРОК ДОРАНД

                    Душанбе, 17 август. (АМИТ «Ховар», Фирдавс Табаров). — Варзишгарони тоҷик — гурзпартоён Дилшод Назаров ва Галина Митяева дар мусобиқоти қаҳрамонии ҷаҳон иштирок доранд, ки имрӯзҳо дар Берлин баргузор мегардад. Дилшод Назаров имрӯз ҳамроҳи 12 нафар гурзпартоёни беҳтарини ҷаҳон қувваозмоӣ мекунад. Галина Митяева маҳораташро 20 август нишон хоҳад дод.                   Дар ин мусобиқа намояндагони 203 федератсияи миллии навъҳои гуногуни варзиш иштирок доранд. Дар мусобиқа асосан варзишгароне иштирок доранд, ки мамлакатҳояшон узви Ассотсиатсияи байналмилалии варзиши сабук мебошанд.                    Маблағи умумии мукофотҳои мусобиқа 7 миллиону 336 ҳазор доллари ИМА мебошад.