ВОХӮРӢ БО МУҲОҶИРОНИ ТОҶИК ДАР ҶҚ
Душанбе, 11 август. (АМИТ «Ховар», Ибодат Давлатова). -Тӯли як ҳафта гурўҳи кории кормандони Хадамоти муҳоҷирати Вазорати корҳои дохилӣ, намояндагони вазорату корхонаҳои давлативу ғайридавлати, инчунин намояндагони созмону ташкилотҳои байнлмилалии Ҷумҳурии Тоҷикистон бо роҳбарии намояндаи Дастгоҳи иҷроияи Президенти Ҷумҳурии Тоҷикистон дар Ҷумҳурии Қазоқистон як қатор вохӯриҳо гузарониданд. Дар доираи ин сафар ҳайати корӣ бо муҳоҷирони тоҷик, политсияи муҳоҷиратии ВКД, намояндагони Вазорати корҳои хориҷӣ, Вазорати меҳнат ва иттиҳодияи корфармоёни Ҷумҳурии Қазоқистон суҳбату вохӯриҳо доир намуданд. Ҳайати гурӯҳи корӣ дар ин сафари худ бо бо муҳоҷирони меҳнатӣ ва шаҳрвандони муқимие ки тӯли чанд сол дар Ҷумҳурии Қазоқистон зиндагӣ доранд, вохурӣ намуда аз мушкилоти онҳо пурсон гардида кайд намуданд, ки кӯшиш мекунанд ҳарчи зудтар мушкилиҳои мавҷударо дар доираи ҳамкориҳои тарафайн ҳал намоянд. Дар мизи мудавваре, ки дар шаҳри Остона доир гардид масъалаҳои муҳиме, ки муҳоҷирони тоҷикро ба ташвиш овардааст, мавриди баҳсу мунозира қарор гирифт. Аз ҷумла, мушкилоти гирифтани иҷозат барои кор, гузоштан ба қайди доимӣ, тамдиди мӯҳлати буду бош ба мўҳлати 90 рўз ва расмикунонии фаъолияти меҳнатии онҳо дар ин минтақа. Таклифу пешниҳодоте, ки аз ҷониби ҳайати гурўҳи корӣ дар ин мизи мудаввар иброз гашт, ҷониби гурўҳи кории Ҷумҳурии Қазоқистон дастгирӣ намуда, арз доштанд ки ҳамкориҳо бояд густариш дода шаванд. Хайъати гурӯҳи кории Тоҷикистон дар вохӯрӣ бо роҳбарияти Вазорати меҳнат ва ҳифзи иҷтимоии аҳолии Ҷумҳурии Қазоқистон ҷиҳати мушкилоти гирифтани иҷозати кор барои муҳоҷирони тоҷик изҳори нигаронӣ намуданд. Инчунин қайд гардид ки ҳарчанд қонуну қарорҳои мавҷуда ва ҳуҷҷатҳои зарурие ки аз ҷониби тарафайн ба имзо расидааст, ҳуқуқу манфиатҳои муҳоҷирони меҳнатиро ҳифз кунад ҳам, ин мушкили то ҳануз ҷой дорад. Ҳар як вохӯрие, ки дар ин сафар, гуруҳи корӣ бо роҳбарону кормандони политсияи муҳоҷиратии ВКД, намояндагони Вазорати корҳои хориҷӣ, Вазорати меҳнат ва иттиҳодияи корфармоёни Ҷумҳурии Қазоқистон доир намуданд, баҳри беҳтар намудани вазъи муҳоҷирони меҳнатии тоҷик дар қаламрави Ҷумҳурии Қазоқистон равона гардида буд, қайд намуданд аз маркази матбуоти Хадамоти муҳоҷирати ВКД ҶТ.
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
МАСЛИҲАТИ МУТАХАССИС. Мураббои анҷир кори дил ва рагҳои хунгардро муътадил мегардонад
Дар ҳашарҳои экологӣ 9 км канори шоҳроҳи мошингарди Исфара-Хуҷанд аз партовҳо тоза карда шуд
Имрӯз дар Тоҷикистон сар задани селҳои пиряхӣ аз эҳтимол дур нест
