ҶАМЪОВАРИИ ПАХТА

                Душанбе, 24 сентябр. (АМИТ «Ховар», Кристина Эрлих). – Аз шӯъбаи зироатҳои техникӣ ва ғаллаи Вазорати кишоварзӣ ба АМИТ «Ховар» хабар доданд, ки то имрӯз дар мамлакат қариб 45 ҳазор тонна пахта ҷамъ оварда шудааст. 43 ҳазору 300 тоннаи онро пахтакорони вилояти Хатлон ҷамъ оварданд. Айни ҳол дар саҳроҳои пахтазор тақрибан 186,6 ҳазор нафар ба ҷамъоварии пахта машғул аст.                Дар вазорати кишоварзӣ ба мухбири АМИТ «Ховар» роҷеъ ба нақшаи имсолаи ҷамъоварии пахта чизе нагуфтанд, танҳо изҳор намуданд, ки имсол ҳосили пахта он қадар фаровон нахоҳад шуд. Сабабҳои ин хеле бисёранд. Сербориш омадани фасли баҳор, хеле дер тӯл кашидани маъракаи кишт ва кам кардани масоҳати кишти пахта аз ҳамин ҷумла мебошанд.                 Қайд карда шуд, ки имсол дар мамлакат ҳамагӣ дар масоҳати бештар аз 170 ҳазор гектар чигит корида шуд. Ин нисбат ба соли 2008 – ум 70 ҳазор гектар кам мебошад.