БЕҲТАРИН ОЛИМОНИ ТОҶИК СОҲИБИ ҶОИЗАҲОИ БА НОМИ А. СИНО МЕГАРДАД
Душанбе, 1 сентябр. (АМИТ «Ховар», Лутфия Эшокулова). –Дар ҷаласаи навбатии Ҳукумати Ҷумҳурии Тоҷикистон, ки 28 августи соли ҷорӣ баргузор гашт, Қарори Кумитаи Ҷоизаҳои давлатии Ҷумҳурии Тоҷикистон ба номи Абӯалӣ ибн Сино дар соҳаи илм ва техника доир ба супурдани ҷоизаҳо дар соли 2009 тасдиқ карда шуд. Мутобиқи он ҷоизаҳои ба номи Абӯалӣ ибн Сино дар бахши илмҳои физикаю математика, химия, геология ва техника ба Улмас Мирсаидов ва дар бахши илмҳои ҷамъиятшиносӣ ва гуманитарӣ ба Муҳаммадҷон Шакурӣ супурда мешаванд. Ҳукумати ҷумҳурӣ Улмас Мирсаидов ва Муҳаммадҷон Шакуриро барои саҳми бузургашон дар рушди илму фарҳанги тоҷик бо ин ҷоизаҳои олӣ қадрдонӣ намуд. Муҳаммадҷон Шакурӣ дар мусоҳиба бо хабарнигори АМИТ «Ховар» зикр намуд, ки бисёр ифтихор менамояд, ки Ҳукумати ҷумҳурӣ ба ӯро бо ҷоизаи ба номи чунин як шахсияти бузург сарфароз гардониданд Бояд қайд намуд, ки дар давоми солҳои истиқлолият академик Муҳаммадҷон Шакурӣ 15 асари илмӣ таълиф намудааст. Ду китоби дигари ӯ омодаи чоп мебошанд. Умуман ба қалами Муҳаммадҷон Шакурӣ қариб 50 китоб тааллуқ доранд. Ба комиссия оид ба супоридани ҷоизаҳои давлатӣ беҳтарин асарҳои академик «Нигоҳе ба адабиёти тоҷикии садаи XX», «Равшангари бузург» ва «Диди эстетикии халқ ва насри реалистӣ» пешниҳод карда шуданд.. Ҷоизаҳои мазкур дар арафаи ҷашни истиқлолиятӣ давлатӣ супорида мешаванд.
Имрӯз дар ноҳияҳои алоҳидаи кӯҳӣ борони кӯтоҳмуддат меборад
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
МАСЛИҲАТИ МУТАХАССИС. Мураббои анҷир кори дил ва рагҳои хунгардро муътадил мегардонад
Дар ҳашарҳои экологӣ 9 км канори шоҳроҳи мошингарди Исфара-Хуҷанд аз партовҳо тоза карда шуд
