«ФАРАЖ» РЎЗНОМА МЕШАВАД?

                Душанбе, 1 сентябр. (АМИТ «Ховар», Жасмин Назарова). — Рўзи шанбе 29 август, шумораи навбатии ҳафтаномаи ҷамъиятию сиёсии ғайридавлатии «Фараж» аз чоп баромад.                  Бояд зикр намуд, ки аз замони пайдоиши ВАО — и хусусӣ, нахустин бор ҳафтаномаи хусусӣ «Фараж» дар як ҳафта ду маротиба нашр гардид. Масъалаи табдили ҳафтанома ба рӯзнома на фақат кормандони матбуоти Тоҷикистон балки хонандагон ва доираҳои журналистикаи тоҷикро тӯли солҳои охир ба худ ҷалб мекард. Аз ин хотир, ин мушкилот дар чорабиниҳои гуногун ва дар сатҳҳои гуногун мавриди баррасӣ қарор мегирифт.                    Ҳафтаномаи «Фараж» тавонист вазъиятро ба нафъи ҳаводорони рӯзнома тағйир диҳад. Бо ин мақсад хабарнигори АМИТ «Ховар» бо сардабири рӯзнома Хуршед Ниёзов (Атовулло) вохӯрда, андешаҳои эшонро рӯи чоп овард.                   — Аз ин ба баъд «Фараж» бо мақсади пур кардани халои иттилоотӣ ҳафтае ду бор чоп хоҳад шуд. Чопи ҳаррӯзаи рӯзнома, ин кори оянда аст, потенсиали кадрии мо барои ин кор басанда мебошад, мо танҳо мушкилоти молӣ дорем, ки он ҳам бояд роҳи ҳалли худро ёбад — изҳор дошт сардабир.