ИНТИҚОЛИ МАБЛАҒ МЕАФЗОЯД

                Душанбе, 24 сентябр. (АМИТ «Ховар», Лаззат Диловарзод).- Тибқи маълумоти рӯзномаи «Российская Бизнес- газета» сарфи назар аз бӯҳрони ҷаҳонии молиявӣ интиқоли маблағ аз Федератсияи Русия ба кишварҳои Иттиҳоди Давлатҳои Мустақил кам нагардидааст.                 Ба иттилои ҳамин манбаъ, на нигоҳ доштани сохтмон, на мушкилоти савдои бозор ба интиқоли маблағи муҳоҷирони меҳнатӣ таъсир накардааст.                Дар семоҳаи дуюм аз ФР тавассути бонкҳо ва дигар сохторҳои интиқолдиҳандаи маблағи муҳоҷирон 5 млрд. 703 млн. доллари амрикоӣ ё нисбат ба се моҳаи авали соли ҷорӣ 801 млн. доллар маблағ бештар интиқол дода шудааст.                Дар ин муддат маблағи аз ҳама зиёд ба Ҷумҳурии Ӯзбекистон 477 млн. ,Тоҷикистон 392 млн. Қирғизистон 224 ва Ҷумҳурии Арманистон 215 млн. доллари амрикоӣ интиқол дода шудааст. Интизор меравад, ки дар семоҳаи сеюм интиқоли маблағ ба ИДМ боз бештар хоҳад шуд.