КӮМАКИ БАШАРДӮСТОНАИ ЭКОЛОГҲО

                 Душанбе, 15 сентябр. (АМИТ «Ховар», Людмила Дубинина).- 13 сентябр дар Душанбе ихтиёриёни ҷунбиши «Табиатдӯстон» таҳти унвони «Муҳити солими зист аз инсони солим оғоз меёбад» маъракаи хайрия гузаронданд. Дар доираи маърака майдончаи бачагонаи Маркази табобати бемориҳои саратони шифохонаи ҷумҳуриявии ба номи Дяков оғоз гардид. Чорабинии мазкур бо дастгирии ширкати «Вавилон-Т» гузаронида шуд. Вай барои тармими майдончаи бачагона рангҳои гуногун харида, барои беморони хурдсол тӯҳфаҳо тайёр кард. Дар ин маърака кормандони Маркази табобати бемориҳои саратони шифохонаи ҷумҳуриявӣ низ ҳамроҳ шуданд.                Роҳбари ташкилоти ҷумҳуриявӣ- ҷамъиятии «Ҷавонони асри ХХ1» Емед Улуғов ба АМИТ «Ховар» хабар дод, ки дар оянда ҳмкорӣ бо кормандони Маркази табобати бемориҳои саратони шифохонаи ҷумҳуриявӣ давом дода мешавад ва ният доранд, ки палатаҳоро барои зимистонгузаронӣ гарм карда, тирезаҳои пластикӣ часпонанд.