КОНФРОНС БАХШИДА БА РӮЗИ ТУРИЗМ

                 Душанбе, 25 сентября. (АМИТ «Ховар», Ибодат Давлатова). – 27 сентябр дар тамоми ҷаҳон рӯзи умумиҷаҳонии туризм таҷлил мегардад. Бахшида ба ин Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон як қатор чорабиниҳоро баргузор менамояд.                  Тавре аз Кумитаи мазкур иттилоъ доданд, 24 сентябри соли ҷорӣ дар Донишгоҳи омӯзгории Тоҷикистон ба номи Садриддин Айнӣ конфронси илмӣ бахшида ба рӯзи умумиҷаҳонии туризм баргузор гардид. Дар он намояндагони донишгоҳи мазкур, Кумитаи ҷавонон, олимону донишҷӯён ширкат варзиданд.                Дар асоси нақшаи чорабиниҳо Кумитаи ҷавонон, дар тамоми шаҳру ноҳияҳои ҷумҳурӣ чорабиниҳои гуногунро аз қабили экскурсия ба ҷойҳои таърихӣ, мизҳои мудаввар, инчунин мусобиқаҳо дар байни ҷавонон баргузор намуда истодааст.