КОНФРОНСИ БАЙНАЛМИЛАЛӢ БАХШИДА БА 15-СОЛАГИИ САРҚОНУН

                Душанбе, 14 сентябр. (АМИТ «Ховар», Бекназари Абӯбакр). — 25-26 сентябри соли равон дар Донишгоҳи давлатии тиҷорати Тоҷикистон бахшида ба 15-солагии қабули Сарқонуни ҷумҳурӣ Конфронси байналмилалии илмӣ-амалӣ таҳти унвони «Конститутсияи Ҷумҳурии Тоҷикистон ва мушкилоти ислоҳоти ҳуқуқии иқтисодиёт» доир мегардад.                Дар данишгоҳи мазкур ба мухбири АМИТ «Ховар» гуфтанд, ки дар ҷараёни ин конфронси байналмилалӣ масоили нақши Конститутсия дар таъмини рушди устувори давлат, системаи ҳуқуқии Тоҷикистон ва таъмини рушди иқтисодиёт, инчунин далелҳои бӯҳрони молиявӣ ва чораҳои зидди он муҳокима хоҳанд шуд.