КОНИ НАВИ АНГИШТ

                Душанбе, 15 сентябр. (АМИТ «Ховар», Бекназари Абӯбакр). — Кони ангишти «Камароб» дар ноҳияи Рашт мавриди истифода қарор гирифт.                  Ин кон дар баландии беш аз 3500 метр дар дараи Камароб воқеъ буда, бо сармояи ширкати бритониёии «Садл Бей корпорейшн» ифтитоҳ шудааст.                 Қобили зикр аст, ки ҳамарӯза бо мошинҳои борбари ин ширкат то 400 тонна ангишт ба хирманҷой интиқол дода мешавад, ки баъди баста шудани роҳи кон мардум аз он харидорӣ хоҳанд кард.                 Дар баробари ин, бо маблағгузории ширкати «Садл Бей корпорейшн» як пул дар болои рӯдхонаи Камароб ва як нерӯгоҳи хурди барқи обӣ бо иқтидори 100 квт/соат сохта мешавад.