МУРОҶИАТИ ТЕРРОРИСТИ № 1

                 Париж, 14 сентябр. (АМИТ «Ховар» — Лента. ру). — Роҳбари созмони террористии «Алқаёда» Усома ибни Лодан дафъаи навбатӣ ба сокинони Иёлоти Муттаҳидаи Амрико муроҷиат намуд. Матни муроҷиати ӯ дар навори аудио сабт карда, ба воситаи ширкати телевизионии «Ашшаҳоб» шунавонида шуд. Дар ҷараёни пахши навор аксҳои Усома ибни Лодан намоиш дода шуданд. Алҳол дар бораи мазмуни муроҷиати террористи №1 чизе гуфта намешавад.                  Муроҷиати мазкур баъди чанд рӯзи солгарди навбатии амалиёти террористӣ дар ИМА пахш карда шуд. Сухангӯи ширкати телевизионӣ зикр намуд, ки ибни Лодан солҳои охир чун анъана дар давоми моҳҳои сентябру октябр чунин муроҷиатҳо пахш мекунад.                Муроҷиати охирини ӯ 3 июн пахш карда шуда буд. Усома ибни Лодан дар он кӯшишҳои президенти ИМА Барак Обамаро дар бораи ба роҳ мондани муносибатҳои дӯстона бо мамлакатҳои исломӣ масхара мекунад. Вай изҳор намуд, ки муноқиша ва муборизаи Шарқу Ғарб чандин даҳсолаҳо боз давом дорад ва минбаъд низ давом хоҳад кард.