ПЕШГИРИИ КӮШИШҲОИ ТАҒЙИР ДОДАНИ НАТИҶАҲОИ ҶАНГИ ДУЮМИ ҶАҲОН
Ню — Йорк, 24 сентябр. (АМИТ «Ховар» — лента.ру). – Президенти Русия Дмитрий Медведев зимни суханрониаш дар иҷлосияи 64 – уми Маҷмаи кулли СММ изҳор намуд, ки муборизаи қатъӣ ба муқобили зуҳуроти миллатгароии навбаромад ва кӯшишҳои тағйир додани натиҷаҳои Ҷанги дуюми ҷаҳон бояд яке аз самтҳои афзалиятноки фаъолияти СММ бошад. Президенти Русия ба иштирокчиёни иҷлосия ёдовар шуд, ки соли оянда 65 – солагии ба охир расидани Ҷанги дуюми ҷаҳон таҷлил карда мешавад. Русия дар робита пешниҳод намуд, ки ба муносибати 65 – солагии анҷоми Ҷанги дуюми ҷаҳон қатъномаи дахлдор қабул намуда, моҳи майи соли 2010 барои поси хотири қурбониёни ҷанг маҷлиси махсуси Маҷмаи кулли СММ гузаронида шавад. Д.Медведев зикр намуд, ки вақтҳои охир фаъолияти ҷунбишҳо ва созмонҳои фашистони навбаромад хеле авҷ гирифтааст. Онҳо дар заминаи нажодпарастӣ, хусумати миллӣ ва нафрати қавмӣ ҷиноятҳои гуногун содир менамоянд. Бо ҳар роҳу восита кӯшиш карда мешавад, ки натсизми фашистӣ сафед карда шавад, гуруснагӣ ва муромурии солҳои 37 – уми асри гузашта рад карда мешаванд, миллатгароён мехоҳанд қарорҳои маҳкамаи олии Нюрнбергро таҷдиди назар намоянд, гуфт президенти Русия. Д.Медведев дар ҷараёни иштирокаш дар иҷлосияи Маҷмаи кулли СММ бо президенти ИМА Барак Обама мулоқот кард. Вай зимни сӯҳбат қарори Қасри Сафедро дар бораи мавқуф гузоштани мӯҳлати бунёди бунгоҳҳои пешгирии ҳуҷуми ракетаҳо дар Аврупои Шарқиро рафтори оқилона номид.
Тоҷикистон то соли 2032 ба кишвари тавлидкунандаи энергияи «сабз» табдил хоҳад ёфт
«САЁҲАТ БА ҚАЛБИ АВРУОСИЁ». Иштирокчиёни экспедитсия бо фарҳанг ва анъанаҳои мардуми Қазоқистон шинос шуданд
Дар Донишгоҳи байналмилалии сайёҳӣ ва соҳибкорӣ бахшида ба Рӯзи Ваҳдати миллӣ ҳамоиш баргузор шуд
Барои пешгирии вайроншавии қабати болоии роҳ аз таъсири ҳавои гарм чӣ тадбир андешида мешавад?
Дар лагери «Сарҳадбон» 100 нафар кӯдакон аз оилаҳои хизматчиёни ҳарбӣ ба истироҳат фаро гирифта шуданд
ТИРГОН, ЯЪНЕ, КИ ҚАДРИ ОБ ДОН. Миллате, ки об барояш муқаддас аст
Имрӯз дар шаҳри Душанбе ҳаво то 39 дараҷа гарм мешавад
Имрӯз дар водиҳои Тоҷикистон ҳаво то 40 дараҷа гарм мешавад
Дар 130 муассисаи таълимии ноҳияи Рӯдакӣ беш аз 10 ҳазор наврасон ба истироҳат фаро гирифта шудаанд
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар Душанбе ҳамоиши сиёсӣ-фарҳангӣ таҳти унвони «Пешвои миллат — меъмори Ваҳдат» доир гардид
МЕГАФОН ТОҶИКИСТОН: Дар Санкт –Петербург Созишнома оид ба ҳамкории оператор бо таҳиягари пешбари Русия — Ivideon имзо гардид
