САФАРИ ВАЗИРИ КОРҲОИ ХОРИҶӢ БА БЕЛГИЯ

                 Душанбе, 14 сентябр. (АМИТ «Ховар», наргис Бояхмедова ). – Вазири корҳои хориҷии Ҷумҳурии Тоҷикистон Ҳамрохон Зарифӣ субҳи имрӯз барои боздиди корӣ ба шаҳри Брюссели Белгия рафт. Аз дафтари матбуоти вазорати корҳои хориҷӣ ба АМИТ «Ховар» хабар доданд, ки Ҳамрохон Зарифӣ дар конфронси вазирони корҳои хориҷии мамлакатҳои Иттиҳоди Аврупо ва Осиёи Марказӣ ширкат меварзад. Конфронси мазкур аз 14 то 17 сентябр давом мекунад.                Дар он масъалаҳои амнияти минтақа, таъсири бӯҳрони ҷаҳонии молиявию иқтисодӣ, энергетика, об ва муҳити зист муҳокима карда мешаванд.                Суханронии вазири корҳои хориҷии Тоҷикистон дар конфронс пешбинӣ карда мешавад.                  Ҳамрохон Зарифӣ дар ҷараёни сафар бо вазирони корҳои хориҷии баъзе мамлакатҳои аъзои Иттиҳоди Аврупо ва Осиёи Марказӣ мулоқот хоҳад кард.