ТАҒЙИРЁБИИ ИҚЛИМ САБАБИ ҚАШШОҚИИ ОДАМОН МЕГАРДАД
Катманду, 7 сентябр. (АМИТ «Ховар» — Пресс.кг). – Бонки рушди Осиё рӯзи чоршанбе изҳор намуд, ки тағйир ёфтани иқлим сабаби дар Осиёи Ҷанубӣ ба миён омадани проблемаи нарасидани об ва хӯрока мегардад. Дар натиҷа шароити зиндагии бештар аз 1,6 миллиард сокини мамлакатҳои минтақа ниҳоят душвор хоҳад гашт. Дар маърӯзаи бонк гуфта мешавад, ки агар ҷараёни тағйирёбии иқлим то соли 2050 давом кунад, дар Осиёи Ҷанубӣ ҳосили ҷуворимакка 17 фоиз, гандум 12 фоиз ва шолӣ 10 кам хоҳад шуд. Таъсири тағйирёбии иқлим ба баъзе мамлакатҳои минтақаи Осиёи Ҷанубӣ, аз ҷумла, Афғонистон, Бангладеш, Ҳиндустон ва Непал бештар аст. Зеро таъминоти зиндагии аҳолии ин мамлакатҳо асосан ба соҳаи кишоварзӣ вобаста мебошад. Директори генералии шӯъбаи Бонки рушди Осиё дар Осиёи Ҷанубӣ Кунио Сенга зикр кард, ки тақрибан нисфи аҳолии қашшоқи ҷаҳон дар ҳамин минтақа зиндагӣ мекунад. Хабар дода мешавад, ки К.Сенга дар Непал дар конфронси роҳбарону намояндагони мамлакатҳои Осиёи Ҷанубӣ ширкат варзид. Конфронс мамлакатҳои сарватмандро даъват намуд, ки ба мамлакатҳои қашшоқи минтақа кӯмак расонанд.
Аз 1 то 3 май дар баъзе шаҳру ноҳияҳои Тоҷикистон ифлосшавии ҳавои атмосферӣ дар назар аст
Монографияи илмӣ оид ба журналистикаи сайёҳӣ ба нашр расид
«ТОҶИКИСТОНИ МАН!». Дар шаҳри Ҳисор маҳфил-озмун ҷамъбаст гардид
Имрӯз дар минтақаҳои доманакӯҳии ноҳияҳои тобеи Тоҷикистон сар задани сел пешгӯӣ мешавад
Сокини ноҳияи Кӯшониён аз ҳар қуттӣ кирмак то 35 килограмм пилла ба даст меорад
Имрӯз дар баъзе минтақаҳои Тоҷикистон борон меборад
Имрӯз дар баъзе минтақаҳои Тоҷикистон рӯзона борони кӯтоҳмуддат меборад
Дар шаҳри Бӯстон доир ба татбиқи лоиҳаҳои муштараки иҷтимоӣ бо соҳибкорон вохӯрӣ баргузор шуд
Дар даҳсолаи охир дар ҷаҳон шумораи одамони бо гуруснагии фалокатбор рӯбарӯ нуҳ маротиба афзоиш ёфтааст
Имрӯз дар шаҳри Душанбе ҳаво то 29 дараҷа гарм мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Озмуни ҷумҳуриявии «Ҷавонон муқобили коррупсия» баргузор мешавад
