ҲАҶМИ ХАРИДУ ФУРӮШИ МОЛУ МАҲСУЛОТ ЗИЁД МЕГАРДАД

                Душанбе, 14 октябр. (АМИТ «Ховар», Покиза Маҳмадбекова). – «Дар давоми нӯҳ моҳи соли равон ҳаҷми хариду фурӯши маҳсулоти кишоварзӣ 64,6 миллион сомониро ташкил дод, ки нисбат ба ҳамин давраи соли гузашта 11 миллион сомонӣ зиёд аст», — гуфт зимни нишасти матбуотӣ Раиси Иттифоқи Тоҷикматлубот Сироҷиддин Валиев 14 октябри соли равон.                  Мавсуф оид ба натиҷаҳои фаъолияти хоҷагию молиявии кооператсияи матлубот дар нӯҳ моҳи соли равон ба рӯзноманигорон маълумоти муфассал дод. Зикр шуд, ки дар ин давра дар соҳа 3321 тонна сабзавот, аз ҷумла, 3201 тонна пиёз, 1532 тонна картошка, 218 тонна меваи тару тоза, 466 тонна зироатҳои полезӣ ва 1042 тонна маҳсулот ғалладонагӣ захира карда шуд.                   Дар ин давра ба Русия, Қазоқистон, Хитой ва Афғонистон 3 ҳазору 433 тонна маҳсулоти кишоварзӣ содирот карда шуда ба ҷумҳурӣ бошад ба маблағи 52 миллион сомонӣ молу маҳсулот ворид гардид.