ИДОРА ВА МУАССИСАҲОИ ПОЙТАХТ ТО ЧӢ АНДОЗА БА ЗИМИСТОН ОМОДААНД?

                 Душанбе, 21 октябр.(АМИТ «Ховар», Марзия Саидова).-Масъалаи анҷоми корҳои омодагии сохторҳои хизматрасонии муҳандисӣ, фарҳангу тандурустӣ, маориф ва фонди манзил ба фасли зимистон дар ҷаласае, ки таҳти раёсати Раиси шаҳри Душанбе Маҳмадсаид Убайдуллоев баргузор гардид, мавриди баррасӣ қарор гирифт.                 Вобаста ба ин масъалаи омодагии фонди манзили давлатию хусусӣ роҳбарони Маркази барқу гармиистеҳсолкунӣ, Шабакаҳои гармидиҳии пойтахт, муассисаи давлатии «Равшании Душанбешаҳр», ҶСШК «Душанбегаз» шабакаҳои барқии шаҳри Душанбе, КВД «Обу корези Душанбе» ва раисони ноҳияҳо гузориш доданд.                  Раиси шаҳр бо хулоса аз натиҷаи гузоришҳо дастур дод, ки то 1 ноябри соли равон Комиссияи марбутаи шаҳрӣ воқеияти корҳои анҷомёфтаро мавриди санҷиш қарор диҳанд. Инчунин, аз прокуратураи шаҳр хоҳиш ба амал оварда шуд, ки бо анҷоми мӯҳлати мазкур фаъолияти ҳар корхонаро барои омодагӣ ба фасли зимистон ва иҷрои вазифаҳои таъинотию ҳолати ҷамъоварии маблағи хизматрасониҳо санҷиш гузаронад.