КӮМАКИ ҲУКУМАТИ ҶУМҲУРИИ ТОҶИКИСТОН
Кӯлоб, 6 октябр. (АМИТ «Ховар», Сулаймон Холов).- Ҳукумати Ҷумҳурии Тоҷикистон ҷиҳати расонидани кӯмак пайваста ба эҳтиёҷмандон ва зарардидагони офатҳои табиӣ тадбирҳои судмандро амалӣ мегардонад. Бояд гуфт, ки ба беш аз 80 хоҷагии шаҳри Кӯлоб, бар асари боронҳои сели моҳи майи имсола зарари молӣ расида, беш аз бисту чор оила аз манзили зисти хеш маҳрум гардида буданд. Бо мақсади муайян намудани зарари ба шаҳрвандон расида, як комиссияи босалоҳият аз ҳисоби Кумитаи ҳолатҳои фавқулодда ва ҳокимияти давлатии шаҳри Кӯлоб таъсис дода шуд, ки он хисороти аз офати табиӣ расидаро муайян намояд. Ҳайати комиссия таи як ҳафта аз ҳамаи оилаҳои зарардида дидан намуда, санадҳои тасдиқкунандаи миқдори зарари расидаро ба Ҳукумати Ҷумҳурии Тоҷикистон ирсол намуд. Дар мувофиқа ба санадҳо ба шаҳрвандон кӯмак муқаррар карда шуд. Дар навбати аввал ба зарардидагон масолеҳи сохтмонӣ, аз ҷумла аз 2,5 то 5 тоннагӣ семент дастрас гардид, ин кӯмак дар навбати аввал ба шаҳрвандоне, ки аз манзили зисташон маҳрум гардида буданд, расонида шуд. Шаҳрвандон барои ин ғамхориҳо миннатдории хешро ба Ҳукумати Ҷумҳурии Тоҷикистон изҳор намуданд. Бино ба иттилои масъулин дар рӯзҳои наздик дигар масолеҳи сохтмонӣ низ ба ниёзмандон расонида хоҳад шуд.
Дар лагери «Сарҳадбон» 100 нафар кӯдакон аз оилаҳои хизматчиёни ҳарбӣ ба истироҳат фаро гирифта шуданд
ТИРГОН, ЯЪНЕ, КИ ҚАДРИ ОБ ДОН. Миллате, ки об барояш муқаддас аст
Имрӯз дар шаҳри Душанбе ҳаво то 39 дараҷа гарм мешавад
Имрӯз дар водиҳои Тоҷикистон ҳаво то 40 дараҷа гарм мешавад
Дар 130 муассисаи таълимии ноҳияи Рӯдакӣ беш аз 10 ҳазор наврасон ба истироҳат фаро гирифта шудаанд
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар Душанбе ҳамоиши сиёсӣ-фарҳангӣ таҳти унвони «Пешвои миллат — меъмори Ваҳдат» доир гардид
МЕГАФОН ТОҶИКИСТОН: Дар Санкт –Петербург Созишнома оид ба ҳамкории оператор бо таҳиягари пешбари Русия — Ivideon имзо гардид
Конфронси илмӣ-адабии «Душанбе — корзори ваҳдатофарӣ ва боргоҳи Ваҳдати миллӣ» баргузор шуд
Дар Вилояти Мухтори Кӯҳистони Бадахшон 9 иншооти саноатӣ ба истифода дода мешавад
Дар Бохтар вобаста ба пешгирии ғарқшавии ноболиғону ҷавонон ҳангоми оббозӣ вохӯрии иттилоотӣ доир шуд
