КОНФРОНСИ ИЛМИЮ АМАЛИИ ДУШАНБЕ

                 Душанбе, 19 октябр. (АМИТ «Ховар», Покиза Маҳмадбекова). – Ҳафтаи гузашта дар шаҳри Душанбе нахустин конфронси байналмилалии илмию амалӣ дар мавзӯи «Масоили муҳими идораи давлатӣ ва хизмати давлатӣ» баргузор гардид. Дар конфронс намояндагони Пажӯҳишгоҳи такмили ихтисоси хизматчиёни давлатии Ҷумҳурии Тоҷикистон, Академияи вазорати корҳои дохилии Ҷумҳурии Тоҷикистон, Академияи идораи давлатӣ дар назди Президенти Ҷумҳурии Қазоқистон, намояндагони муассисаи олии таълимии «Ориё» — и Ҷумҳурии Исломии Афғонистон, дигар муассисаҳо ва пажӯҳишгоҳ иштирок карданд.                  Дар конфронс масъалаҳои марбут ба ташкил намудани сохтори муосири пайдо кардани хизматчиёни давлатӣ дар Тоҷикистон, татбиқи сиёсати давлатӣ оид ба омодасозии кадрҳои роҳбарикунанда дар сохторҳои ҳифзи ҳуқуқ, идораи давлатӣ дар шароити ҷаҳонишавӣ ва дигар мушкилоти мавҷуда муҳокима шуданд.