КУРСҲОИ ОМОДА СОХТАНИ КАДРҲО БАРОИ АРТИШИ МАРЗБОН
Душанбе, 7 октябр. (АМИТ «Ховар», Наргис Бояхмедова). – Дар Омӯзишгоҳҳои олии марзбонони Созмони амнияту ҳамкории Аврупо барои омода сохтани кадрҳо ба артиши марзбони Тоҷикистон курсҳо кушода шуданд. Дар маросими ифтитоҳи курсҳои мазкур семинари таълимӣ гузаронида шуд. Мухбири АМИТ «Ховар» хабар медиҳад, ки дар курсҳои мазкур барои шӯъбаҳои назорати сарҳади давлатӣ мутахассисон тайёр карда мешаванд. Муовини аввали раиси Кумитаи давлатии амнияти миллии ҷумҳурӣ Қосимҷон Ғаффоров ба мухбири АМИТ «Ховар» гуфт, ки масъалаи таъмини амнияти сарҳад аҳамияти торафт ҷиддитар пайдо мекунад. Зеро вазъияти баъзе мамлакатҳои ҳамсоя, аз ҷумла, Афғонистон сол то сол муташанниҷтар мегардад. Бояд гуфт, ки дарозии сарҳади давлатии байни Тоҷикистону Афғонистон 1344 километрро ташкил медиҳад. Курсҳои тайёриро дар омӯзишгоҳи сарҳадии САҲА Бюрои Созмони амнияту ҳамкори Аврупо дар Тоҷикистон ва шӯъбаи марзбонии хадамоти зудамали маркази пешгирии муноқишаҳои созмони мазкур ташкил намуданд. Дар курсҳои тайёрӣ намояндагони Белорусия, Қазоқистон, Қирғизистон, Тоҷикистон, Туркманистон ва Украина таҳсил мекунанд. Ёдовар мешавем, ки Омӯзишгоҳҳои олии сарҳадии САҲА дар Душанбе моҳи майи соли равон кушода шуда буд. Дар маросими кушодашавии он вазири корҳои хориҷии Тоҷикистон Ҳамрохон Зарифӣ, сафири Юнон ва раиси Шӯрои доимии САҲА Мари Маринаки ва мудири маркази САҲА дар масъалаи пешгирии муноқишаҳо, сафир Герберт Залбер иштирок доштанд.
Омодагӣ ба соли нави хониш дар ҷаласаи Кумита оид ба таҳсилоти ибтидоӣ ва миёнаи касбӣ баррасӣ шуд
Масъалаи ташкили ковишҳои бостоншиносӣ дар мавзеи «Дараи Алмосӣ» баррасӣ гардид
Имрӯз дар ноҳияҳои алоҳидаи кӯҳӣ борони кӯтоҳмуддат меборад
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
