БАРРАСИИ БАРОБАРҲУҚУҚИИ МАРДУ ЗАН ДАР ТОҶИКИСТОН

                   Душанбе, 24 ноябр, (АМИТ «Ховар», Дилшодаи Ҷонмард). –26 ноябр Иттифоқи иттиҳодияҳои ҷамъиятии «Аз баробарии ҳуқуқӣ ба баробарии воқеӣ» дар ҳамкорӣ бо Кумитаи кор бо занон ва оилаи назди Ҳукумати Ҷумҳурии Тоҷикистон мизи мудаввари «Иҷрои давлатии «Самтҳои асосии сиёсати давлат оид ба таъмини ҳуқуқу имкониятҳои баробари мардҳо ва занҳо дар Ҷумҳурии Тоҷикистон дар солҳои 2001-2010, мақсадҳои гузошташуда ва натиҷаҳои ба дастомада» доир менамояд.                      Дар ин мизи мудаввар таклифҳо ва тавсияҳо баҳри ба даст овардани мақсадҳои гузошташудаи барномаи давлатӣ аз рӯи фасли «Механизмҳои ниҳодии таъмини ҳуқуқу имкониятҳои баробари мардҳо ва занҳо», оиди ҷалб намудани занҳо ба раванди қабули қарорҳо дар фасли «Зан ва сиёсат», пешбарӣ намудани занҳо ба вазифаҳои хизмати давлатӣ, барномаи давлатӣ оид ба таъмини дастрасии баробари занҳо ба таҳсил, барномаи давлатӣ ва бартараф намудани қолабҳои гендерӣ ва ғайраҳо мавриди баррасӣ қарор хоҳанд гирифт.