ТАЪТИЛИ ЗИМИСТОНА ДАР УКРАИНА

                  Душанбе, 11 ноябр. (АМИТ «Ховар», Людмила Дубинина).- 10 нафар талабаи беҳтарин аз хатмкунандагон таътили зимистонаи худро дар шаҳри Харкови Украина хоҳанд гузаронид. Чунин даъват аз тарафи витсе-губернатори вилояти Харков Людмила Белова ҳангоми сафари ҳайати Украина ба Душанбе пешниҳод карда шуд.                   Дар рафти сафар намояндагони Украина аз баъзе мактабҳои миёна ва макотиби олии ҷумҳурӣ дидан карданд. Барои барқарор намудани муносибатҳои ҳамкориҳои дуҷониба ва мустаҳкам кардани риштаҳои дӯстӣ, инчунин алоқаҳои илмӣ миёни мактаббачагон, донишҷӯён ва омӯзгорон дар мактаби миёнаи №21-и шаҳри Душанбе Маркази Донишгоҳи миллии иқтисодии Харкови Украина ифтитоҳ гардид.                   «Ин 10 нафар хонандагони беҳтарин ҳангоми таътили зимистона таҳти роҳбарии мудири маорифи ноҳияи Фирдавсӣ ва Роҳбари Раёсати маълумоти миёнаи Вазорати маорифи Ҷумҳурии Тоҷикистон ба шаҳри Харков мераванд. Мо мехоҳем, ки дӯстони тоҷики худро бо шароити таълим ва зист дар муассисахои таълимии Украина шинос намоем»,- қайд кард Л. Белова.