ҶММ ТҒД «ГЕХА ФУД» ДАР СОХТМОНИ НИРӮГОҲ ҲИССА МЕГУЗОРАД

                Душанбе, 15 декабр. (АМИТ «Ховар», Кристина Эрлих). — Ҳайати кории ҶММ ТҒД «ГЕХА ФУД» даъвати Президенти мамлакат Эмомалӣ Раҳмонро дар бораи сохтмони Нерӯгоҳи барқи обии Роғун ҳамаҷониба дастгирӣ мекунад. Тавре ба мухбири АМИТ «Ховар» роҳбари кулли муассисаи мазкур Ҳелмунд Ҳанингерд иттилоъ дод: «Ҳайати кории «ГЕХА ФУД» бо ташаббуси худ, шурӯъ аз моҳи январи соли 2010 ҳар моҳ музди меҳнати як рӯзаи худро барои сохтмони Нерӯгоҳи барқи обии Роғун ҳамчун кӯмак интиқол медиҳад».                 ҶММ ТҒД «ГЕХА ФУД» муассисаи Ҷумҳурии Тоҷикистон буда, пурра бо сармояи хориҷӣ фаъолият мекунад. Муассиса дар ноҳияи Рӯдакӣ ҷойгир шуда, ба коркарди масолеҳи кишоварзӣ машғул мебошад.