КӮМАКИ ҶОПОН БА ФЕРМЕРОН

                 Душанбе, 15 декабр. (АМИТ «Ховар», Покиза Маҳмадбекова). — Муовини вазири молияи мамлакат Ҷамолиддин Нуралиев бо роҳбарияти намояндагии Агентии Ҷопон оид ба ҳамкориҳои байналмиллалӣ Сейджи Кайхо мулоқот анҷом дод.                  Тавре ба АМИТ «Ховар» иттилоъ доданд, дар рафти мулоқот масъалаи расонидани кӯмаки бебозгашти ҷониби Ҷопон дар доираи барномаи таъмини амнияти озуқавии мамлакат ва дастгирии фермерони тоҷик баррасӣ гардид.                    «Дар шароити шиддат гирифтани буҳрони молиявии ҷаҳонӣ кӯмаки Ҷопон барои кишоварзони кишвар саривақтӣ мебошад», — қайд кард Ҷ.Нуралиев.                     Ҷонибҳо дар бораи рушди минбаъдаи ҳамкориҳои судманд миёни Ҷумҳурии Тоҷикистон ва Ҷопон изҳори боварӣ карданд.