ТАЪТИЛИ ЗИМИСТОНАИ МАКТАБИЁН ТАМДИД ШУД

                  Душанбе, 15 декабр. (АМИТ «Ховар», Марзия Саидова). — Бо фармони вазири маорифи мамлакат Абдуҷаббор Раҳмонов таътили зимистона барои мактаббачагон ба муддати ду ҳафта тамдид шуд. Мувофиқи иттилои котиби матбуотии вазорати маориф таътили зимистона аз 29 декабри соли ҷорӣ оғоз ёфта 24 январи соли оянда тамом мешавад.                  Мақсади тамдид шудани таътили зимистона танзими таътили мактабӣ дар муассисаҳои таълимӣ ва ҳифзи сиҳатии хонандагон мебошад.                   Айни ҳол дар мамлакат 4 ҳазор мактабҳои маълумоти умумӣ фаъолият мекунанд, ки дар онҳо зиёда аз 1 миллион хонандагон ба таълим фаро гирифта шудаанд.