МО БА «РӮЗИ МОҲӢ» ХОҲЕМ РАСИД

Душанбе, 25 феврал, (АМИТ «Ховар», Лаззат Диловарзод).- Ба иттилои директори корхонаи воҳиди давлатии «Моҳии Тоҷикистон» Аҳмадҷон Ғафуров, дар доираи «Барномаи рушди моҳипарварӣ барои солҳои 2009 — 2015» корхонаи мазкур корҳои зиёдеро анҷом додааст. Корхона истеҳсоли умумии моҳии ватаниро дар соли 2009     ба 504 тонна расонида,  нисбат ба соли 2008 100 тонна зиёд моҳӣ   сайд карда шавад. Ин дар мавридест, ки соли 1992 ҳамагӣ 20 тонна моҳӣ сайд карда шудааст. Дар моҳи январи соли 2010  аллакаи 100 тонна моҳӣ дар нуқтаҳои фурӯш ба савдо рафтааст. Тибқи барномаи ташкили озуқа ва кишоварзӣ (ФАО) –и Созмони Миллали Муттаҳид,  дар обанбори Норак 15 тонна гулмоҳӣ барои афзоиш сар дода шуд. Айни замон дар Ҷумҳурии Тоҷикистон 8 хоҷагии калони моҳипарварӣ, 47 хоҷагиҳои хурду миёнаи фермерӣ ва деҳқонии моҳипарварӣ таъсис ёфтааст. -Ин тадбир имкон медиҳад, ки «Рӯзи моҳӣ» аз нав дар Ҷумҳурии Тоҷикистон барқарор карда шавад,- иброз дошт директори КВД «Моҳии Тоҷикистон» Аҳмадҷон Ғафуров ба мухбири АМИТ «Ховар».