НАМОЯНДАГОНИ ТОҶИКИСТОН ДАР ФЕҲРАСТИ МАМЛАКАТҲОИ ИДМ
Душанбе, 10 феврал. (АМИТ «Ховар», Таҳмина Ғоибназарова). — Нависандагон, шоирон ва тарҷумонҳои тоҷик ба Феҳрасти махсуси адибону тарҷумонҳои мамлакатҳои ИДМ ва Балтика дохил карда шуданд, ки дар Арманистон чоп шуд. Аз Тоҷикистон ба феҳрасти мазкур олими адабиётшинос Абдувалӣ Давронов, нависанда ва тарҷумон Абдуғаффор Абдуҷабборов, Нависандаи халқии Тоҷикистон Саттор Турсун, адибон Ато Ҳамдам, Тоҳир Мамадризоев ва дигарон шомил гардиданд. Дар феҳраст дар бораи ҳар кадоми онҳо маълумоти муфассал дода мешавад. Мухбири АМИТ «Ховар» хабар медиҳад, ки ба феҳрасти мазкур аз 13 мамлакат 158 нафар шомил карда шудаанд. Онҳо дар мулоқоти дуюми нависандагону шоирон, тарҷумонҳо ва ноширони мамлакатҳои ИДМ ва Балтия ширкат варзида буданд. Мулоқоти адибону ноширон ва тарҷумонҳои мамлакатҳои ИДМ ва Балтика аз соли 2007 сар карда, гузаронида мешавад. Мулоқоти охирини онҳо моҳи октябри соли 2009 дар Арманистон баргузор гардид. Дар мулоқоти мазкур намояндагони 7 давлати ИДМ, инчунин Гурҷистон, Латвия, Литва ва Эстония иштирок доштанд.
Аз 1 то 3 май дар баъзе шаҳру ноҳияҳои Тоҷикистон ифлосшавии ҳавои атмосферӣ дар назар аст
Монографияи илмӣ оид ба журналистикаи сайёҳӣ ба нашр расид
«ТОҶИКИСТОНИ МАН!». Дар шаҳри Ҳисор маҳфил-озмун ҷамъбаст гардид
Имрӯз дар минтақаҳои доманакӯҳии ноҳияҳои тобеи Тоҷикистон сар задани сел пешгӯӣ мешавад
Сокини ноҳияи Кӯшониён аз ҳар қуттӣ кирмак то 35 килограмм пилла ба даст меорад
Имрӯз дар баъзе минтақаҳои Тоҷикистон борон меборад
Имрӯз дар баъзе минтақаҳои Тоҷикистон рӯзона борони кӯтоҳмуддат меборад
Дар шаҳри Бӯстон доир ба татбиқи лоиҳаҳои муштараки иҷтимоӣ бо соҳибкорон вохӯрӣ баргузор шуд
Дар даҳсолаи охир дар ҷаҳон шумораи одамони бо гуруснагии фалокатбор рӯбарӯ нуҳ маротиба афзоиш ёфтааст
Имрӯз дар шаҳри Душанбе ҳаво то 29 дараҷа гарм мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Озмуни ҷумҳуриявии «Ҷавонон муқобили коррупсия» баргузор мешавад
