ТАЙЁРИИ МАРКАЗИ ГАРМИДИҲӢ ИМСОЛ ЧӢ ГУНА МЕШАВАД?

Душанбе, 24 феврал. (АМИТ «Ховар», Лаззат Диловарзод).-  Ҳафтаи гузашта баъди 10 рӯзи аз нав фаъолият кардани Маркази гармидиҳии шаҳр – (ДТЭЦ) фаъолияташ  аз нав қатъ карда шуд. Тибқи шартномаҳои бо муштариён басташуда, Маркази гармидиҳӣ ӯҳдадор аст муштариёнро дар мавсими тирамоҳ ва зимистон бо оби гарм ва гармӣ таъмин намояд. Дар сурати дар мавсим  таъмин накардани муштарӣ  бо оби гарм ва гармӣ муштарӣ қисман ва ё пурра аз пардохти маблағ озод карда мешавад, омадааст дар шартнома. Чунон ки маълум шуд,  дар мавсими тирамоҳу зимистони соли 2009 – 2010 ҳамагӣ 40 рӯз муштариён бо оби гарм таъмин шуданд ва  Маркази гармидиҳӣ шартномаро дар соли сипаришуда дуруст иҷро накард ва   муштариёнашро бо оби гарму гармӣ таъмин карда натавонист.    Масъалаи дигаре, ки дар назди кормандони Маркази гармидиҳии шаҳр гузошта мешавад, он аст, ки тайёрии он дар мавсими  соли 2010 -2011 чӣ гуна мешуда бошад ва ё он     дар шартномаҳои нав    тағйиру иловаҳо ворид намуда, ӯҳдадориҳои пешинаашро    ниҷро намекунад?