ЗАХИРАИ ЗАРУРИИ ТУХМӢ ВУҶУД ДОРАД

Душанбе, 25 феврал, (АМИТ «Ховар», Лаззат Диловарзод).- Бино ба маълумоти Кумитаи давлатии омор, то 1 – уми феврали соли 2010 корхонаҳои кишоварзӣ ва хоҷагиҳои деҳқонӣ (фермерӣ) 51798 тонна   тухмӣ, аз он ҷумла, 46 ҳазору 231 тонна гандуми тухмӣ, -22837 картошкаи тухмӣ ва 14 ҳазору 616  тонна чигити тухмӣ захира намуданд. Бино ба гуфти мутахассиси соҳаи кишоварзии Кумитаи давлатии омор М.А. Абдуллоев, нисбат ба ҳамин давраи соли 2009 29 фоиз ғалладонаи тухмӣ, 81 фоиз картошка ва 6 фоиз бештар чигити тухмӣ захира карда шудааст. Боис ба  ёдоварист, ки соли гузашта бар асари хунук омадани зимистон захираи картошкаи тухмӣ талаф ёфт ва он ба кори картошкапарварон мушкилоти зиёд овард. Соли ҷорӣ  картошкаи тухмӣ беталаф нигоҳдорӣ ва захира карда шудааст ва он имкон медиҳад, ки     кишти замини  картошка зиёд  гардад.