ҲАҶМИ УМУМИ ГАРДИШИ МОЛ 508,5 МЛН. СОМОНӢ

Душанбе, 5 март. (АМИТ «Ховар», Лаззат Диловарзод).- Бино ба маълумоти Вазорати рушди  иқтисод ва савдо таносуби гардиши мол дар савдои давлатӣ 99,1 фоиз ва ғайридавлатӣ 116,5 фоизро ташкил кард. Ҳаҷми умумии гардиши мол дар савдои чаканаи бозорҳо ва дигар сохторҳои тиҷоратӣ 508, 5 млн. сомониро ташкил дод. Аз он ҷумла, фурӯши мол дар бозорҳои озуқаворӣ ва ашёи омехтаи ҷумҳурӣ 293,6 млн.сомонӣ ё ба андозаи 56,1 фоизи ҳаҷми умумии гардиши молро ташкил медиҳад. Дар ин давра ба маблағи 46,1 млн. сомонӣ чорвои зинда, 28,6 млн. сомонӣ автомобилҳои боркаш ва сабукрав, 41,5 млн. сомонӣ маҳсулоти нафтӣ фурӯхта шудааст. Дар ҳаҷми умумии фурӯши озуқаворӣ гӯшту ҳасиб, орд, равғани растанӣ, қанд ва маҳсулоти қаннодӣ, сабзавот, картошка ва  меваҷот афзалият доранд.