ҲАММОМУ ХАЙМАҲО ВАЙРОН КАРДА ШУДАНД

Душанбе, 26 март. (АМИТ «Ховар», Лаззат Диловарзод). —  Кумитаи ҳифзи муҳити зист  дар фаъолияти худ   оид ба истифода ва ҳифзи захираҳои об дар нимсолаи аввали соли 2010,  бахшида ба ҳадафҳои даҳсолаи байналмилалии амалиёти «Об барои ҳаёт», санҷишҳои ҳолати санитарию экологии дарёҳо, каналҳо ва иншооти обтозакунии ноҳияҳои атрофи шаҳри  Душанберо мавриди санҷишу таҳлил қарор дод. Ҳолати санитарию экологии шаҳраки Ганҷободи ноҳияи Рӯдакӣ, ҳолати санитарию экологии канали дериватсионии шаҳри Душанбе, шусташавии соҳили дарёи Кофарниҳон дар минтақаи иншооти обтозакунии канализатсионии шаҳри Душанбе, ҳолати соҳили дарёи Хонақо   санҷида     шуданд. Дар натиҷаи рейдҳои алоҳида ва муштараки сохторҳои Кумитаи ҳифзи муҳити зист, аз хатти муҳофизатии ҳавзаи дарёи Варзоб ва канали дериватсионии Варзоб – Душанбе 35 манбаъҳои ифлоскунандаи об (катҳои болои об, хаймаҳо, ҳаммому оғилхонаҳо) вайрон карда шуда, барои риоя накардани меъёрҳои санитарию экологӣ  шахсони мутасаддӣ ҷарима баста шуданд.