31 МЛН.711,4 ҲАЗОР СОМОНӢ БАРОИ СОҲАИ ИҶТИМОӢ

Душанбе, 5 март. (АМИТ «Ховар», Лаззат Диловарзод).- Бино ба маълумоти Кумитаи давлатии омор, дар моҳи январи соли 2010 барои инкишофи соҳаи иҷтимоӣ 31 млн. 711 ҳазору 400 сомонӣ ҷудо гардид, ки ин 15, 9 фоизи ҳаҷми умумии сармоягузории ҷумҳуриро ташкил медиҳад. Бино ба маълумоти ҳамин манбаъ, дар моҳи январи соли ҷорӣ дар масоҳати умумии 13376 метри мураббаъ хонаҳои истиқоматӣ ба истифода дода шудаанд, ки нисбат ба ҳамин давраи соли сипаришуда 6220 метри мураббаъ зиёд аст. Дар моҳи январи соли 2010 масоҳати умумии биноҳои истиқоматии ба истифода додашуда дар вилояти Суғд – 4887 метри мураббаъ, дар вилояти Хатлон  -7992 ва  дар НТҶ  — 597 метри мураббаъро ташкил додаст.