КИТОБИ РӮИМИЗИИ ҲАР ЯК СОКИНИ ШАҲР

Душанбе, 26 март. (АМИТ «Ховар», Лаззат Диловарзод).-  Аввалин «Маълумотномаи телефонҳои шаҳри Душанбе» дар давраи мустақилияти ҷумҳурӣ ба чоп омода гардид. Дар ин китоб ҳамаи маълумотҳои зарурӣ, аз ҷумла, ному насаб, суроға, телефон, факс, e – mail, ахбори кӯтоҳи идораҳои давлатӣ ва ғайридавлатӣ, вазорату идораҳо, муассисаҳои тиҷоратии давлатӣ ва ғайридавлатӣ, корхона, ширкат, муассисаҳои соҳаи маориф, тиб ва савдо, ки дар ҳудуди шаҳри Душанбе қарор доранд ҷой дода шудаанд.  «Маълумотномаи телефонҳои шаҳри Душанбе» барои ҳар корафтода имкон медиҳад, ки ба тарзи хеле осон корхонаи зарурӣ ва рақамҳои телефонҳоро пайдо кунад. Ин китоб барои ҳар як шахси ҳуқуқӣ ва инфиродӣ китоби рӯимизӣ шуда метавонад.