РАФТИ КИШТИ ПАХТА ДАР ХОҶАГИҲОИ ҶУМҲУРӢ

Душанбе, 28 апрел. (АМИТ «Ховар», Лаззат Диловарзод).-  Тибқи маълумоти фаврии Раёсати растанипарварии Вазорати кишоварзӣ, дурнамои кишти пахтадар Ҷумҳурии Тоҷикистон барои соли ҷорӣ 183 ҳазору 465 гектар пешбинӣ шудааст, ки аз ин 6 ҳазор гектарашро пахтаи навъи маҳиннах ташкил медиҳад. Боиси зикр аст, ки то 26 –уми апрели сол ҷорӣ   хоҷагиҳои пахтакор дар  масоҳати 129 ҳазору 874 гектар пахта кишт карда шудааст, ки 70,8 фоизи дурнаморо ташкил медиҳад. Бино ба иттилои ҳамин манбаъ, аз аввали мавсим то имрӯз дар вилояти Хатлон аз  121 ҳазору  700 гектари нақшавӣ 81 ҳазору 238 гектар, Суғд аз 55 ҳазор дар масоҳати 41 ҳазору 166 ва дар ноҳияҳои тобеи ҷумҳурӣ ба ҷои 6765 гектар дар масоҳати 7 ҳазору 470 гектар пахта кишт карда шудааст, ки мутаносибан  ба 66,8,  74,8 ва 110 фоизи дурнамо баробар аст.