САТҲИ КАМБИЗОАТӢ 40 ФОИЗ ПАСТ КАРДА МЕШАВАД

Душанбе, 28 апрел. (АМИТ «Ховар», Лаззат Диловарзод).-  Тибқи дурнамои миёнамӯҳлати рушди иқтисодиву иҷтимоии кишвар барои се соли оянда афзоиши солонаи нишондиҳандаҳои иқтисоди воқеӣ ба андозаи на кам аз  5 – 6 фоиз ва сатҳи таваррум на зиёда аз 8 – 10 фоиз пешбинӣ гардидааст. Дар доираи Стратегия барои солҳои 2010 – 2012 татбиқи чорабиниҳои зарурӣ  ҷиҳати таъмини рушди устувори иҷтимоиву иқтисодии кишвар пешбинӣ шудаанд. Ин имконият медиҳад, ки сатҳи камбизоатӣ  то охири соли 2012  то 40 фоиз паст карда шавад. Боис ба ёдоварист, ки натиҷаҳои тадқиқоти муштараки Ҳукумати ҷумҳурӣ ва  ташкилотҳои мустақил доир ба сатҳи зиндагии аҳолии Тоҷикистон , ки соли 2007  гузаронида шуда буд, сатҳи камбизоатӣ аз 73 фоизи соли 2003 то 53 фоиз дар соли 2007 коҳиш дода шуд. Ин раванд   солҳои 2008 2009 низ идома ёфт ва беш аз 1 млн. нафар аҳолии кшвар  аз сатҳи камбизоатӣ бароварда шуд.