ВАЗИРИ КОРҲОИ ДОХИЛИИ ПОКИСТОН БА ДУШАНБЕ МЕОЯД

Душанбе,  28 апрел. (АМИТ «Ховар»,  Фарангис  Раҳимова ). —  Вазири  корҳои  дохилии  Ҷумҳурии  Исломии  Покистон Раҳмон  Малик  28 апрел  барои боздиди   дурӯза ба  Душанбе  меояд.  Ҳайати  Покистон 29  апрел  бо  намояндагони Вазорати корҳои  дохилии  Тоҷикистон  мулоқот  хоҳад  кард. Зимни  мулоқот  масъалаҳои  ҳамкории  дуҷониба  муҳокима  мешаванд. Инчунин   мулоқотҳои  Раҳмон  Малик  бо  роҳбарияти Кумитаи  давлатии амнияти  миллӣ,  Вазорати  мудофиа ва  Академияи  ВКД  ҷумҳурӣ  ба  нақша  гирифта шудааст. Ҳамон рӯз  Президенти ҷумҳурӣ  Э.Раҳмон  бо вазири  корҳои дохилии  Покистон  мулоқот  анҷом  хоҳад  дод.