МОШИНДУЗД ДАСТГИР ШУД

Душанбе, 25 июн. (АМИТ «Ховар», Жасмин Назарова). — Рӯзи 24 июни соли равон аризаи шаҳрванд Обидов Саидҷаъфар, соли таваллудаш 1988, истиқоматкунандаи шаҳри Кӯлоб, донишҷӯи бахши 3-юми Донишгоҳои Давлатии шаҳри Кӯлоб, ба Шӯъбаи корҳои дохилии шаҳри мазкур ворид гардид. Тавре аз дафтари матбуоти Вазорати корҳои дохилии ҶТ иттилоъ доданд, шахси номаълум бо тариқи пинҳонӣ рӯзи 24 июн автомашинаи шахсии С. Обидов, тамғаи «Нексия-Дайво» рақами давлатиаш АВ 50-44 РТ 01, ки дар назди донишгоҳ меистод рабудааст. Ҳангоми гузарондани чораҳои фаврӣ-ҷустуҷӯӣ муайян карда шуд, ки шаҳрванд Музафаров Шуҳратҷон, соли таваллудаш 1988, истиқоматкунандаи шаҳри Кӯлоб, донишҷӯи бахши 1-уми Донишгоҳи Давлатии шаҳри Кӯлоб ҷиноятро содир намудааст, дастгир карда шуд. Далели шайъи гирифта шуд. Нисбати ин шахс парвандаи ҷиноӣ оғоз шуда, тафтишот идома дорад.