ҶАШНИ ВАҲДАТ ДАР ФАРХОР

Фархор, 1 июл. (АМИТ «Ховар», Сулаймон  Холов). — Бахшида ба 13 — умин солгарди ваҳдати миллӣ дар майдони Сомонии ноҳияи Фархор бо иштироки  раиси ноҳия Қурбонбой Каримов ва намояндагони вилояти Хатлон    чорабинии фарҳангӣ доир гардид, ки дар ин чорабинӣ  беш  аз  500  нафар шаҳрвандони ноҳия ширкат варзиданд. Дар аввал раиси ноҳия Қурбонбой Каримов ҳозиринро ба ин ҷашни фархунда  табрику таҳният намуда зикр кард, ки бо ташаббус ва саъю кӯшиши сарвари давлат Эмомалӣ  Раҳмон  Тоҷикистон  тавонист бо ваҳдати миллӣ, якдигарфаҳмӣ, сулҳу субот ва осоиштагӣ рӯ ба рӯ гардад. Ҳамчунин зикр кард, ки дар ин давра баланд гардидани иқтисодиёти кишвар, афзудани истеҳсоли маҳсулотҳои саноатӣ ва кишоварзӣ, вусъат бахшидани корҳои  сохтмонӣ, баланд бардоштани маошҳои  соҳаи  буҷетӣ  ва дигар   корҳое, ки  барои  мардуми кишвар зарурият   дошт   иҷро  гардиданд.  Бахшида ба ин ҷашни фархунда аз тарафи  ҷамъияти  матлубот ва бозори марказии ноҳия ярмаркаи маҳсулоти кишоварзӣ ташкил гардид, ки дар он маҳсулоти қаннодӣ, орд, равған, биринҷ, тухм, сабзавот, мевагӣ бо нархи арзон ба фуруш бароварда шуда дастраси мизоҷон гардид. Мавриди зикр аст, ки дар чорабинии мазкур хонандагони мактабҳои таҳсилоти  умумии  ноҳия  ширкат варзида бахшида ба ҷашн шеърҳо қироат намуданд. Инчунин дар майдони варзишии ноҳия варзишгарон  бо  бозиҳои варзишӣ маҳорати худро ба ҳозирин нишон доданд. Дар  охир кормандони шӯъбаи фарҳанги ноҳия бо савту навои худ хотири    ҳозиринро  шод  гардонданд.