НОДУРУСТ ПАЙВАСТ НАМУДАНИ НОҚИЛ САБАБИ СӮХТОР ГАРДИД

Душанбе, 1 июл. (АМИТ «Ховар», Жасмин Назарова). – Шаби 1 июли соли равон дар манзили истиқоматии Озодҷон Урунов, истиқоматкунандаи деҳаи Қистақӯзи вилояти Суғд сӯхтор ба амал омад. Тавре ба хабарнигори АМИТ «Ховар» аз маркази матбуоти Сарраёсати хадамоти давлатии оташнишонии ВКД ҶТ иттилоъ доданд, ҳангоми сӯхтор дар масоҳати 65 метри мураббаъ болопӯши хона ва 500 кг коҳ сӯхта нобуд гардид. Сабаби сӯхтор чун ҳарвақта вайрон намудани қоидаи бехатарӣ буда, ҳангоми нодуруст пайваст намудани ноқилҳои барқӣ, сӯхтор сарзадааст. Зарар аз сӯхтор 2 ҳазору 40 сомониро ташкил дода, гунаҳкор соҳибхона мебошад.